13. Gealltanais
Ciste Infheistíochta Straitéisí d’Éirinn
13.1 Airgeadra eachtrach agus gealltanais todhchaíochtaí
Ba iad seo a leanas an phríomhshuim bharúlach agus an gnóthachan / (caillteanas) neamhréadaithe ar chonarthaí díorthacha airgeadra a rinne an Bainisteoir agus na bainisteoirí infheistíochta thar ceann an Chiste:
| GBCN | 2015 Méid Príomhshuim €m |
2015 Neamhréadaithe gnóthachan/ (caillteanas) €m |
2014 Méid Príomhshuim €m |
2014 Neamhréadaithe (caillteanas) €m |
|---|---|---|---|---|
| Conarthaí i Malairt Eachtrach | 1,614 | 2 | 1,546 | (47) |
| Bainisteoirí Infheistíochta | ||||
| Conarthaí i Malairt Eachtrach | 18 | (0) | - | - |
| Todhchaíochtaí Airgeadais | 471 | (1) | 525 | (6) |
| 1 | (53) |
Conarthaí i Malairt Eachtrach
Is é beartas an Chiste a riosca airgeadra eachtraigh a fhálú trí úsáid a bhaint as réamhchonarthaí i malairt eachtrach agus malairtí trasairgeadra.
Ní éilítear ar bhainisteoirí infheistíochta an Chiste neamhchosaint ar airgeadra a fhálú. Tá cead acu spotchonarthaí agus conarthaí i malairt eachtrach a dhéanamh ar mhaithe le hidirbhearta urrús a ghlanadh agus a gcuid punanna a bhainistiú go heisiach ar aon dul leis an Ráiteas ar Chuspóirí agus ar Shrianta Infheistíochta arna chomhaontú leis an gCiste.
Is ionann an luach barúlach agus iomlán na gconarthaí i malairt eachtrach a bhí amuigh ag deireadh na tréimhse.
Todhchaíochtaí Airgeadais
Tá cead ag bainisteoirí infheistíochta an Chiste todhchaíochtaí a fhorghníomhú go heisiach ar aon dul leis an Ráiteas ar Chuspóirí agus ar Shrianta Infheistíochta arna chomhaontú leis an gCiste.
Mar chuid de Straitéis um Chaomhnú Caipitil an Chiste, chuathas i mbun todhchaíochtaí gnáthscaireanna gearra chun an neamhchosaint fhoriomlán gnáthscaireanna a laghdú.
13.2 Gealltanais infheistíochta neamhghlaoite
Rinne an Ciste ceangaltais i leith maoiniú infheistíochtaí. Is iondúil go mbíonn na gealltanais seo iníoctha ar éileamh bunaithe ar riachtanais ábhar na hinfheistíochta faoi réir théarmaí agus choinníollacha gach comhaontú. Amhail an 31 Nollaig, 2015 ba é €1.2bn (2014: €820m) suim iomlán na ngealltanas gan íoc.
Rinne an Ciste gealltanais i leith cineálacha infheistíochtaí áirithe mar atá leagtha amach thíos.
| Achar ama an ghealltanais Blianta |
2015 ainmniúil €m |
2014 ainmniúil €m |
|
|---|---|---|---|
| Iomlán na n-infheistíochtaí neamhluaite | 0-9 | 965 | 750 |
| Iomlán na n-iasachtaí agus na n-infháltas | 0-2 | 248 | 70 |
| Iomlán na ngealltanas neamhghlaoite | 1,213 | 820 |
Maoiniú Gealltanais
Féachann an Ghníomhaireacht leis an gCiste a bhainistiú chun a chinntiú go mbeidh a dhóthain leachtachta aige, gan deiseanna tarraingteacha infheistíochta a fhágáil ar lár, chun a ngealltanais a mhaoiniú de réir mar a ghlaoitear iad.
Tá an Beartas um Bainistíocht Riosca Leachtachta GBCN infheidhme maidir leis an gCiste. Leagtar amach sa Bheartas seo na híoschaighdeáin inghlactha a chaithfidh siad siúd atá freagrach as idirbheartaíochtaí cisteáin arb iad is cúis le riosca leachtachta laistigh den GBCN a chomhlíonadh.
Níl an Ciste faoi réir riachtanais chaipitil arna gcur i bhfeidhm go seachtrach agus amhail an 31 Nollaig 2015 is i sócmhainní sodhíolta inréadaithe a bhí bunús infheistíocht an Chiste.