17. Dliteanais theagmhasacha
Déantar foráil san Acht um Ghníomhaireacht Bainistíochta an Chisteáin Náisiúnta (Leasú), 2014 do dhliteanais Choimisiún an Chúlchiste Náisiúnta Pinsean (an “Coimisiún”) a aistriú go dtí an GBCN (mar rialtóir agus bainisteoir an CISÉ) ar dháta comhdhéanta an CISÉ agus ina dhiaidh, agus luaitear ann go bhfuil an GBCN (mar rialtóir agus bainisteoir an CISÉ) freagrach as oibleagáidí an Choimisiúin a chomhlíonadh faoi aon dliteanas den sórt sin. Chuige sin, tá dlíthíocht ar bun i Nua Eabhrac i leith an cheannaigh ghiaráilte thar barr amach den Tribune Company. Tá níos mó ná 5,000 geallsealbhóir de chuid an Tribune Company, lena n-áirítear an Coimisiún, i gceist leis an dlíthíocht.
In Eanáir 2017, rinne Cúirt Dúiche i Nua Eabhrac an chaingean dlí cónaidhme i gcoinne na gcosantóirí ina scairshealbhóirí, lena n-áirítear an Coimisiún, a dhíbhe. I Márta 2018, d'iarr an gearánaí cead an gearán a leasú chun cúiseamh breise a dhearbhú i gcoinne na gcosantóirí ina scairshealbhóirí. Rinneadh na héilimh ghaolmhara de réir dhlí an Stáit a dhíbhe, ach tá siad faoi réir achomhairc ag na gearánaithe chuig an gCúirt Uachtarach, atá fós ar feitheamh.
Amhail dháta an tuairiscithe níor aithníodh foráil ar bith sna ráitis airgeadais seo mar ní féidir an fhéidearthacht d'eis-sreabhadh acmhainní a chinneadh go hiontaofa agus níl sé infheidhmithe an éifeacht airgeadais, dá mbeadh a leithéid ann, a mheas sa chás go rachfaí ar aghaidh leis an achomharc agus go n-éireodh leis.